കൊഴിയാത്ത ഇലകള്‍

ജന്മദിനം -- ജന്മദിനത്തിന് ഒരു ഗന്ധമുണ്ടായിരുന്നു  അവൾ തരാത്ത  കുപ്പായത്തിൻ്റെ അമ്മയുണ്ടാക്കാത്ത  പാൽപായസത്തിൻ്റെ കലണ്ടറിലെ അക്കത്തിന്  ഓർമ്മപ്പെടുത്തണമെന്നുണ്ടായിരുന്നു പക്ഷേ കേൾക്കാത്ത ചെവി  അതിൻ്റെ വാ മൂടി കെട്ടിയിരുന്നു എന്തേ  ജന്മദിനം  ഓർക്കാതെ പോയി അമ്മ പറയാഞ്ഞതെന്തേ അച്ഛനും മറന്നോ അവൾ ഓർത്ത്  വെക്കാഞ്ഞതെന്തേ വിദൂരതയിൽ  അനന്തതയിൽ മിഴിവാർത്ത നക്ഷത്രത്തിന്റെ ജന്മദിനം  ആരും ഓർക്കാഞ്ഞതെന്തേ

 

ആറടി മണ്ണിലൊരോർമ്മയാകും മുന്നേ ആയിരമായിരം കാതങ്ങൾ താണ്ടണം ആർത്തു ചിരിക്കുന്ന കടലുതാണ്ടണം മന്ത്ര ചരടുപ്പൊട്ടിച്ചെറിഞ്ഞൊരു കാലത്തിൻ കൈപ്പിടിച്ചു നടന്നിടേണം അടിമയാക്കി ഭരിച്ചൊരാ ഗ്രന്ഥങ്ങൾ കാറ്റിലെറിയണം നിശ്ബദ്ധനായി ജീവനൂറ്റിക്കുടിച്ചൊരു രോഗത്തിന് ചിതകൊളുത്തി തിരിഞ്ഞു നടക്കണം ചിറകരിഞ്ഞു തകർത്തൊരു വാൾ തുരുമ്പെടുത്ത കാലത്തിൻ ചിറകിലേറണം പൊട്ടിയ തന്ത്രികളിലൂർ - ന്നൊരു കവിത വിപ്ലവമായിടേണം ✍️  രാജീവ് സോമരാജ്